Thursday, July 20Dhinasari

ஜிஎஸ்டி தாக்கம்: திருப்பதி தேவஸ்தான விடுதிக் கட்டணம் உயர்ந்தது

tirupathi

திருப்பதி:

ஜிஎஸ்டி., வரி விதிப்பினை அடுத்து, திருப்பதி தேவஸ்தானத்தின் பயணிகள் தங்கும் விடுதிக் கட்டணம், திருமண மண்டபத்துக்கு உரிய கட்டணம், கோவிலில் விற்கப்படும் தங்க டாலர் உள்ளிட்டவற்றின் விலை உயர்ந்துள்ளது.

ஜிஎஸ்டியில், ரூ.1000 முதல் ரூ.2000 வரையிலான விடுதிக் கட்டணம் மீது 12% வரை வரியும், ரூ.2000க்கு மேற்பட்ட விடுதிக் கட்டணம் மீது 18 % வரியும் தேவஸ்தானம் வசூலித்து வருகிறது. திருப்பதி கோவில் மண்டபத்தில் நடக்கும் திருமணத்துக்கான கட்டணம் ரூ.10,000 மீது 18 % வரை வரி வசூலிக்கப்படுகிறது. கோவிலில் விற்கப்படும் தங்க டாலர் விலையுடன் 3 சதவீதம் சேர்த்து ஜிஎஸ்டி வரியுடன் விற்கப்படுகின்றன. இதனால் இவை அனைத்திலும் சற்று விலை உயர்வு காணப்படுகிறது.

இருப்பினும், ஜிஎஸ்டியில் இருந்து திருப்பதி கோயில் கட்டணங்களுக்கு விலக்கு அளிக்க வேண்டும் என்று மத்திய மாநில அரசுக்கு தேவஸ்தானத்தின் சார்பில் கோரிக்கை விடுக்கப்பட்டிருக்கிறது.