குடியரசுத் தலைவர் தேர்தல்: ராம்நாத் கோவிந்த் அபார வெற்றி!

புதுதில்லி:

குடியரசுத் தலைவர் தேர்தலில் பதிவான வாக்குகள் எண்ணப்பட்டு இன்று முடிவுகள் அறிவிக்கப்பட்டன. அதில், பாஜக சார்பில் தேஜகூ., வேட்பாளராகப் போட்டியிட்ட ராம்நாத் கோவிந்த் அபார வெற்றி பெற்றுள்ளார்.

நாட்டின் அடுத்த குடியரசுத் தலைவரைத் தேர்ந்தெடுப்பதற்கான தேர்தல் கடந்த 17ஆம் தேதி நடைபெற்றது. தேசிய ஜனநாயகக் கூட்டணி சார்பில் பாஜக.,வின் ராம்நாத் கோவிந்தும், ஐக்கிய முற்போக்குக் கூட்டணி சார்பில் காங்கிரஸின் மீரா குமாரும் போட்டியிட்டனர்.

குடியரசுத் தலைவர் தேர்தலில் 4,896 எம்.பிக்கள், எம்எல்ஏ-க்கள் வாக்களித்தனர். நாடாளுமன்றத்தில் இந்தத் தேர்தலுக்கான வாக்கு எண்ணிக்கை இன்று காலை 11 மணிக்கு தொடங்கியது. இதில் மொத்தம் 5 சுற்றுகளாக வாக்குகள் எண்ணப்பட்டன.

மொத்தம் 10,98,882 வாக்குகளில் ராம்நாத் கோவிந்த் 7,02,044 வாக்குகளும், மீராகுமார் 3,67,314 வாக்குகளும் பெற்றுள்ளனர். மொத்தம் பதிவான வாக்குகளில் ராம்நாத் கோவிந்த் 65.65 சதவீதமும், மீராகுமாரும் 34.35 சதவீதமும் பெற்றுள்ளனர்.

இவர்களில் 21 எம்.பிக்கள் 77 எம் எல்..ஏக்களின் வாக்குகள் செல்லாதவை என அறிவிக்கப்பட்டுள்ளது.

குடியரசுத் தலைவர் பதவிக்கு ராம்நாத் கோவிந்த் வெற்றி பெற்றதாக தேர்தல் அதிகாரி அனூப் அதிகார பூர்வமாக அறிவித்தார். புதிதாகத் தேர்ந்தெடுக்கப்பட்டுள்ள ராம்நாத் கோவிந்த், வரும் ஜூலை 25 ஆம் தேதி பதவியேற்றுக் கொள்வதாக தகவல்கள் தெரிவிக்கின்றன.

தேர்தலில் வெற்றி பெற்றுள்ள ராம்நாத் கோவிந்துக்கு பிரதமர் நரேந்திர மோடி, தமிழக முதல்வர் எடப்பாடி பழனிசாமி, முன்னாள் முதல்வர் ஓ.பன்னீர்செல்வம் உள்பட பல முக்கிய தலைவர்கள் வாழ்த்து தெரிவித்துள்ளனர்.

குடியரசுத் தலைவர் தேர்தலில் வெற்றி பெற்ற ராம்நாத் கோவிந்துக்கு பல்வேறு தலைவர்களும் வாழ்த்து தெரிவித்து வருகின்றனர். இதனிடையே நான் ஒரு போராளி நான் ஏன் வருத்தப்பட வேண்டும்? என காங்கிரஸ் சார்பில் போட்டியிட்ட வேட்பாளர் மீரா குமார் கூறியுள்ளார். தேர்தல் தோல்வி குறித்து மீரா குமாரிடம் செய்தியாளர்கள் கேள்வி எழுப்பினர். அப்போது அவர், இதற்காக நான் வருத்தபடவில்லை. நான் ஏன் வருத்தப்பட வேண்டும். நான் ஒரு போராளி. என் நாட்டின் மக்கள் மற்றும் பெண்களின் நம்பிக்கைக்காக போராடி வருகிறேன்” என்று குறிப்பிட்டார்.

இதுவரை நடந்த குடியரசுத் தலைவர் தேர்தல்களில் வெற்றி விவரம்…: