வடிவமைத்த என்னிடம் துடைப்ப சின்னத்தை ஒப்படையுங்கள்: ஆம் ஆத்மி அதிருப்தியாளர்

புது தில்லி: ஆம் ஆத்மி கட்சியின் மோதல் பல்வேறு நிலைகளில் வெடித்து வருகிறது,. ஒருவர் தான் பரிசாக வழங்கிய கார், பைக், நன்கொடையைத் திரும்பத் தாருங்கள் என்று கோரிக்கை விடுக்கிறார். இன்னொருவர், நான் தான் கட்சிச் சின்னத்தை வடிவமைத்தேன், அதை என்னிடம் திரும்ப ஒப்படையுங்கள் என்கிறார் இன்னொருவர். பிரசாந்த் பூஷண், யோகேந்திர யாதவ் ஆகியோர் கேஜ்ரிவாலுக்கு எதிராக போர்க் கொடி தூக்கிய நிலையில், ஆம் ஆத்மி கட்சியில் பிளவு ஏற்படும் சூழல் ஏற்பட்டுள்ளது. இந்நி்லையில், ஆம் ஆத்மி கட்சி சின்னத்தை திரும்ப ஒப்படைக்க வேண்டும் என்ற கோரிக்கையும் எழுப்பப் பட்டுள்ளது. ஆம் ஆத்மி கட்சி துவக்கப்பட்டபோது, அக்கட்சிக்காக துடைப்பம் சின்னத்தை வடிவமைத்த சுனில் லால், அரவிந்த் கேஜ்ரிவாலுக்கு எழுதியுள்ள கடிதத்தில், ஆம் ஆத்மியின் கட்சி சின்னம் என்னால் வடிவமைக்கப்பட்டது, எனக்குச் சொந்தமானது. எனவே அதை மீண்டும் என்னிடம் ஒப்படைக்க நடவடிக்கை எடுக்க வேண்டும் என்று கோரிக்கை விடுத்துள்ளார்.